مصطلحات التسويق الالكترونى

مصطلحات التسويق الالكترونى وبحاول اشرحهم بقدر المستطاع لان الكلام فيهم كتير جدا

المصطلحات العامه
مصطلحات عامه
E - Marketing : وهو التسويق الالكترونى .. وبيستخدم للتعبير عن التسويق باستخدام كل الاجهزه الالكترونيه سواء كان الكمبيوتر او الفاكس او الدعايا بالـ sms للموبايلات .. ومش شرط يكون فى انترنت .. مع العلم ان ده المصطلح الشائع جدا للتسويق عن طريق الانترنت
D - Marketing / Digital marketing : وهو التسويق الرقمى .. وده المصطلح الاكثر تخصصا للتسويق عن طريق شبكة الانترنت .. فى مصطلح كمان هو Online Marketing وده المقصود بيه برضه التسويق الاونلاين عن طريق الانترنت
Inbound Marketing: وده بشكل عام اللى بيدل على الاهتمام بالمحتوى الخاص بموقعى وانه يكون مفيد ومميز والنشر على مواقع التواصل الاجتماعى بهدف جذب الزوار المهتمين بالمجال بتاعى وانهم يستفيدوا من موقعى
SEM/ Search Engine Marketing: وهي عباره عن تسويق الموقع عن طريق محركات البحث زى جوجل وهي عبارة عن مجموعة من العمليات مثل تهيئة المواقع لمحركات البحث، والإعلانات المدفوعة وعمل شعبية تزيد من زوار الموقع من خلال نتائج البحث
SEO/ Search Engine Optimization: المقصود بيها تهيئة المواقع للظهور بشكل أفضل في نتائج محركات البحث عن طريق عدة مقاييس وعوامل بتبدأ من انشاء الموقع وحتى رفع الموقع على الانترنت وتسويقه اونلاين
والـ SEO ده العلم اللى بنستخدمه عشان الموقع يظهر فى الصفحه الاولى لمحركات البحث وخصوصا جوجل وبتسمى الطريقه دى يالاورجانيك
وبينقسم الـ SEO الى
On Page SEO وده اللى عن طريقه ببدأ انشاء الموقع بتاعى بناءا على المقاييس الموجوده فيه
Off Page SEO ودى كل الطرق اللى بسوق بيها موقعى اونلاين
SMM/ Social Media Marketing: بيدل على تسويق الموقع فى مواقع التواصل الاجتماعى زى facebook و twitter او مواقع الشبكات الاجتماعيه زى google plus و linkedin
SERP/ Search Engine Results Page: المقصود بيها الصفحه الاولى لنتايج البحث فى جوجل .. وبيقال عليها برضه TOP 10
Spiders: ودى العناكب اللى بتستخدمها محركات البحث وبالاخص جوجل لأرشقة المواقع وصفحاتها وبرضه لسرعة ظهور نتايج البحث وده اللى عن طريقه بتظهر نتايج البحث فى اجزاء من الثانيه الواحده عن طريق انتشار العناكب دى فى كل الصفحات اللى فيها الكلمه البحثيه اللى بندور عليها وتجيبهم فى نتايج البحث

مصطلحـــات الإعلانــــات
انواع الاعلانات
CPI/ Cost Per Impression - CPM/ Cost Per Mille:: طريقة حساب تكلفة الاعلانات على الانترنت سواء اعلانات جوجل ادوردز او الفيس بوك عن طريق الظهور وبتبقى التكلفه بالـ 1000 ظهور .. يعنى كل 1000 ظهور ( مثلا ) بـ 3 سنت
CPC/Cost Per Click – PPC/ Pay Per Click: طريقة حساب تكلفة الاعلانات على الانترنت سواء جوجل ادوردز او الفيس بوك بالنقره او الضغطه على الاعلان .. بمعنى ان كل ضغطه على الاعلان مثلا بـ 4 سنت وممكن توصل تكلفة النقره على الاعلان الواحد لدولار او اكتر كمان على حسب حاجات كتير نتكلم فيها بعدين ان شاء الله
CPA/ Cost Per Action – PPA/ Pay Per Action: هي طريقة لحساب تكلفة الإعلانات في الحملات الإعلانية على الانترنت على حسب تحقيق الهدف من الاعلان كمثلا تسجيل ايميل او رقم تليفون
- الـ 3 مصطلحات اللى جايين من اهم العوامل لتقييم الحمله الاعلانيه وهنربطهم ببعض ان شاء الله -
الاول :
CTR/ Click Through Rate : هو النسبة المئوية بين عدد النقرات او الضغطات على الاعلان الى عدد مرات ظهوره
يعنى ايه الكلام ده .. ركزوا فى المثال اللى هاقوله
يعنى عملت اعلان على جوجل ادوردز عشان يظهر مع نتايج البحث فى الصفحه الاولى فى جوجل .. والاعلان ظهر بناءا على عمليات البحث 1000 مره .. من الـ 1000 مره ظهور تم الضغط على الاعلان - مثلا - 100 مره
يبقى الـ CTR بتاعى 10 % .. وكل مازادت النسبه زادت نسبة نجاح الحمله
الثانى :
CR/ Conversion Rate: ودى بتيجى بعد الـ CTR والمقصود بيها كام واحد من اللى ضغطوا على الاعلان بتاعى اشتروا فعليا المنتج او الخدمه .. بالبلدى كده بقوا زباين
يعنى ايه برضه .. يعنى فى 100 واحد ضغطوا على الاعلان اللى ظهرلهم فى صفحة نتايج جوجل ومن الـ 100 دول فى مثلا 20 واحد اشتروا المنتج او الخدمه المعمول ليهم الاعلان .. فيبقى كده الـ CR بتاعى 20 % .. وبرضه كل مازادت النسبه كان نجاح للحمله بتاعتى
التالت :
ROI/ Return On Investment: هي نسبة العائد من الإستثمار وهى النسبه بين اللى دفعته كتكلفه للحمله واللى كسبته من الحمله .. يعنى بالمختصر كده دفعت كام وكسبت كام
طيب نربط مابين الـ CTR والـ CR والـ ROI ازاى
هنفهم بالمثال ده
اذا عملت اعلان ظهر 1000 مره وفى 100 واحد ضغط عليه يبق كده الـ CTR 10 % واذا فى 20 من الـ 100 اللى ضغطوا على الاعلان اشتروا يبقى الـ CR 20 % واذا الـ 20 واحد اللى اشتروا مجموع تكلفة اللى اشتروه غطى تكلفة الحمله وكان فى ارباح كمان يبقى الـ ROI تمت بنجاح
بيدخل فى حساب المعادله دى ( انت بتبيع ايه ولمين وبكام ) يعنى بتختلف المقاييس بين اللى بيعمل حمله لمنتج بكام الف جنيه عن اللى بيعمل حمله لمنتج بكام مليون جنيه
يعنى ممكن ابقى عامل حمله بالف دولار لفيللل فى التجمع مثلا الفيلا بكام مليون والحمله ميتبعش بسببها الا فيلا واحده بس تمن الفيلا فى النهايه غطى تمن الحمله ودخل ارباح كبيره لانه ببساطه فى كام واحد فى مصر هيشتروا فيلا بملايين
ملحوظه مهمه جدا
المسوق الالكترونى هدفه الاساسى من شغله بما فيهم الاعلانات انه يعمل Brand على الانترنت للمكان اللى بيسوقله اونلاين .. ممكن يبقى عامل حمله ممتازه جدا على الانترنت وللاسف قسم المبيعات فى الشركه - اللى بيستقبل التليفونات او بيبعت المعلومات على الايميلات - ميكونش محترف بالقدر اللى يستغل نجاح الحمله على الانترنت
مصطلحــات تهيئـــة الصفحـــات
ودى المصطلحات للى بنعمله فى صفحات المواقع عشان تظهر فى نتايج محركات البحث
SEO/ Search Engine Optimization: قلت عليه فى الصطلحات العامه بس هشرحه تانى
المقصود بيها تهيئة المواقع للظهور بشكل أفضل في نتائج محركات البحث عن طريق عدة مقاييس وعوامل بتبدأ من انشاء الموقع وحتى رفع الموقع على الانترنت وتسويقه اونلاين
والـ SEO ده العلم اللى بنستخدمه عشان الموقع يظهر فى الصفحه الاولى لمحركات البحث وخصوصا جوجل وبتسمى الطريقه دى يالاورجانيك
وبينقسم الـ SEO الى
On Page SEO وده اللى عن طريقه ببدأ انشاء الموقع بتاعى بناءا على المقاييس الموجوده فيه
Off Page SEO ودى كل الطرق اللى بسوق بيها موقعى اونلاين
Landing Page: هي الصفحة اللى بتظهر فى محركات البحث او اللى بعملها الاعلان ولازم يكون فيها نصوص وصور وفيديوهات كمان عشان اقدر احقق بيها اكبر استفاده من المكسب سواء كان فى التسويق او الارباح
Keyword – KeyPhrase: المقصود بيها الكلمه الرئيسيه او البحثيه او المفتاحيه ودى من اهم اهم اساسيات التسويق الالكترونى وبيتبنى عليها الغالبيه العظمى من التسويق على الانترنت لان دى اللى بيقدر من خلالها المستخدم اللى بيعمل بحث على الانترنت على مجال شغلى يوصل لموقعى عن طريقها
وبتنقسم الى
keyword من كلمه واحده زى مثلا عقارات او دورات او كورسات
keyword من كلمتيين زى دورات مجانيه .. شقق للبيع
keyword 3 كلمات فاكثر زى شقق للبيع فى التجمع الخامس .. دورات التسويق الالكترونى
Hyperlink : اسمه الرابط التشعبى .. وده بقدر عن طريقه اربط صفحات الموقع ببعضها بانى اختار كلمات واربط بيها روابط لصفحات تانيه فى الموقع بحيث اللى يدوس على الكلمه دى يفتحله الصفحه اللى فيها الموضوع
Anchor Text: هو نفس فكرة الـ hyperlink بس الكلمات اللى بربطها بلينكات تانيه بتكون هى الكلمات الرئيسيه او البحثيه اللى انا مستهدفها وبتساعد محركات البحث فى ان الموقع يظهر بالكلمات اللى معمولها Anchor Text
Keyword Stuffing / Keyword Spam/ High Keyword Density: هي زيادة مرات تكرار الكلمات البحثيه بشكل مبالغ فيه وبيضر بالموقع بتاعى
Meta Tags: هي مجموعة من الأكواد بنضفها في جزء HEAD في كود HTML فى الموقع عن طريق المصمم او اذا انت تفهم فى HTML تقدر تضفها ودى بتدى فرص ظهور أفضل في نتائج محركات البحث وبستخدمها لتحديد عنوان الموقع والوصف بتاعه والكلمات البحثيه
Image Alt : وده النص البديل للصوره وده بيساعد محركات البحث فى انها تطلع الصور فى محركات البحث بناءا عن الكلمات البحثيه المكتوبه للصوره

مصطلحــــات تقييــم الصفحــات
Back Link / Inlink/ Incoming Link: وده من اهم اهم اهم اساسيات التسويق الالكترونى .. المقصود بيه انك بتنشر رابط موقعك او روابط الصفحات الداخليه لموقعك فى مواقع مختلفه ولما حد بيدوس على اى لينك منهم ويزور موقعك ده اسمه Back Link وبيبقى ليه شروط معينه عشان تقدر تستفيد من كل باك لينك اتعمل لموقعك وده بيساعد في رفع رتبة الموقع وظهور أفضل في محركات البحث
Authority:تحدد درجة شعبية الصفحة عن طريق عدد الروابط المؤدية لها من مواقع موثوق بها والدرجات دى بتكون من 100
Bounce Rate: معناها معدل الارتداد وهى النسبة المئوية لزوار الصفحة اللى بيخرجوا منها من غير مايزوروا صفحات تانيه فى الموقع ومبيفضلوش وقت كبير فى الصفحه اللى زاروها .. ببساطه اذا فى 100 زياره وكان معدل الارتداد 80 % يعنى فى 80 زياره خرجت بسرعه من الموقع وده بيدى مؤشر لجوجل ان المحتوى بتاع الموقع غير مفيد للزوار ومؤشر ليا كمسوق الكترونى ان فى مشاكل عندى فى المحتوى وكل ما النسبه كانت عاليه كل ماده يأكد ان فى مشكله ومهم جدا تكون نسبة معدل الارتداد قليله
PR/ Pagerank : هى درجه بين الصفر والـ 10 تحدد عن طريق جوجل بناءا علي تسويق وشعبية الصفحه والباك لينكات بتاعتها
Analytics: وده تحليل الموقع كالزيارات وجت منين والمده بتاعتها والكلمات اللى وصلت بيها للموقع وحاجات تانيه كتير Google Analytics